Namórate de Allariz

Compárteo!

Namórate de Allariz por Miguel Robledo Banner 2 1 e1550138902303

Namórate de Allariz!

Achégase o 14 de febreiro, o Día d@s Namorad@s ou San Valentín. Hospedaxes, restaurantes e comercios de Allariz, agrupados no colectivo de Amig@s de BenComún, deseñaron, co gallo desta data tan sinalada, esta atractiva e romántica campaña para que vos namoredes nesta e desta fermosa vila #namoratedeallariz

Se visitades Allariz do 14 ao 24 de febreiro (ambos os dous incluídos), atoparedes polo casco histórico da vila 24 localización cuns CORAZÓNS cos que poderedes fotografarvos, e tamén uns marcos ‘Namórate de Allariz’ a modo de photocall no interior dalgúns comercios, hospedaxes e restaurantes.

Contámosvos como poderedes gañar un destes 8 premios:

Sorteo #1: 4 premios de 1 noite de hotel + cea para 2 persoas.
Sorteo #2: 5 premios de 1 cea para 2 persoas.

Por certo… fixástesvos no fermoso cartel da campaña, obra do ilustrador ourensán Miguel Robledo? Dan ganas de poñer rumbo a Allariz, non si?!

Sorteo #1. 4 premios de 1 noite de hotel + cea para 2 persoas.
Participará neste sorteo calquera persoa que cumpra as seguintes condicións:

Corazón Namórate de Allariz

– Fotografarse en, polo menos, 3 dos 24 puntos con corazóns da campaña ‘Namórate de Allariz’ que se poderán atopar por todo o casco histórico da vila.
– Facer unha publicación (post) no seu Facebook, en modo público (de maneira que a poidamos ver sen ser amizades), incluíndo como mínimo 3 fotos en 3 puntos diferentes (mínimo 1 foto por localización).
– A publicación (post) debe incluír o hashtag #namoratedeallariz e a etiquetaxe da Páxina de Facebook da Axenda Cultural O que, ho!: @oqueho

ACTUALIZADO VENRES 1 MARZO. SORTEO #1 REALIZADO.

Realizado o sorteo de 4 premios de 1 noite de hotel + cea para 2 persoas, cuxo proceso e explicación podedes ver e comprobar no seguinte vídeo.
Resultaron gañadorxs de cadanseu premio nos seguintes hoteis:

– Abraham Herrero Menor: Portelo
– Andrea De Robles Vazquez: Torre Lombarda
– Lali Oli: Pallabarro
– Elías Piñeiro Vila: Alarico

Moitos parabéns a todxs elxs e moitas grazas por participardes!

Sorteo #2. 7 premios de 1 cea para 2 persoas.
Participará neste sorteo calquera persoa que cumpra as seguintes condicións:

Namórate de Allariz Marco Photocall

– Fotografarse nos marcos Photocall a campaña ‘Namórate de Allariz’ dentro de calquera dos negocios participantes na campaña.
– Facer unha publicación (post) no seu Facebook con esa foto, en modo público (de maneira que a poidamos ver sen ser amizades), incluíndo o hashtag #namoratedeallariz e etiquetando a páxina de Facebook do negocio (p.ex. @airadasletras).
– No local, ao tirar a foto, daráselles unha rifa para participar no sorteo. Deben gardar esa rifa como comprobante.

ACTUALIZADO VENRES 1 MARZO. SORTEO REALIZADO.

Realizado o sorteo de 7 ceas para 2 persoas, cuxo proceso podedes ver neste vídeo. Fixeron de mestres de ceremonias o Víctor (ImpresionArte) e a Olga (Fío de Liño).
Unha vez realizado, as persoas gañadoras son as posuidoras das rifas cos números:
#1950: Cea para 2 persoas no Pallabarro
#0252: Cea para 2 persoas no Roi Xordo
#2003: Cea para 2 persoas no Fío de Liño
#1759: Cea para 2 persoas n’O Pepiño
#0460: Cea para 2 persoas no Alarico
#1054: Cea para 2 persoas na Casa Pepiña (A ‘irmá’ d’O Pepiño, na rúa Vilanova, 1 Allariz)
#0411: Cea para 2 persoas no Petiscos

Non tes Facebook? Non te preocupes, tamén pensamos en ti.
Para participar, segue estas indicacións:

– Deixa un Comentario no formulario que verás aquí abaixo incluíndo as fotos (a páxina terá habilitados os comentarios durante as datas da campaña, coa posibilidade de adxuntar fotos) e incluíndo no comentario o hashtag #namoratedeallariz

Os sorteos realizaranse na semana seguinte ao remate da campaña. Informarase do resultado dos mesmos a través da páxina web da Campaña en oqueho. gal e a súa páxina de Facebook, así como nas RRSS dos negocios participantes, e comunicarase directamente ás persoas agraciadas.

Os premios deberanse desfrutar antes do 31 de maio de 2019, excluíndo as seguintes datas:

– Ponte de San Xosé: do 15 ao 19 de marzo (ambos incl.)
– Semana Santa: do 12 ao 21 de abril (ambos incl.)
– Ponte do 1 de maio: do 30 de abril ao 5 de maio (ambos incl.)

Participan

Fina Rei Galería Circular Cattk Construción Hostal Alarico Yolanda Ferreiro Conde Carballo Sabrafén Luthier Xeitura Fío de Liño Alma Xoaniña Sira Aira das Letras Maruxairas Aira Editorial Fundación Vicente Risco Arume By Trapiños Trap.Kom Trapiños Plus O Avó O Pepiño . A Pepiña Roi Xordo Bazar Adolfo Arnoia Costas ImpresiónArte Punto e Coma GDR-Avinza Pousada Torre Lombarda Gusi Domarco Pontelouca BenComún Espazo SneakersNº2 Fundación Ramón González Ferreiro A Despensa do Alarico Concello de Allariz Anxiños O Portelo Rural Pallabarro Petiscos