fbpx

Concentracion pola SANIDADE PÚBLICA en Allariz

Compárteo!

20 Xuño, 2020 11:30

Campo da Barreira, Allariz

POLA SANIDADE PÚBLICA 3

concentracion Allariz POLA SANIDADE PÚBLICASAE Á RÚA POLA SANIDADE PÚBLICA!

CONCENTRACIÓN SÁBADO 20 XUÑO ÁS 11:30h
CAMPO DA BARREIRA – ALLARIZ (OURENSE)

NUNCA MÁIS MORTES EVITABLES
NUNCA MÁIS NEGOCIO COA SANIDADE

A crise do coronavirus destapou a situación do sistema sanitario no estado español. Anos de privatizacións e recortes plasmáronse no espectáculo destas semanas: atención primaria sen medios para conter a epidemia, hospitais colapsados con pacientes no chan, profesionais obrigados a decidir a quen intentaban salvar a vida por falta de respiradores, residencias de anciáns nas que infeccións e mortes sen atención foron a tónica xeral, centros de persoas discapacitadas psíquicas, cárceres e CETIs dos que nin se fala…

POLA SANIDADE PÚBLICA 2

POLA SANIDADE PÚBLICA 2

Hai responsables: políticos que aprobaron a Lei 15/97 ou a mantiveron, sindicatos domesticados que non defenderon o interese xeral, empresas e fondos de capital risco que se lucraron con estas privatizacións, xuíces que non viron ningún problema nas leis que desmontaban a sanidade… e a gran maioría da poboación que se mantivo en silencio mentres todo isto ocorría, pensando que non lle afectaba. Hoxe, a realidade é outra. Todos e todas perdemos ou coñecemos a alguén que morreu por falta de asistencia ou deficiencias na atencións.

Non podemos volver á situación de partida. Os de sempre pretenden facer táboa rasa e volver á situación previa, na que o sistema xa estaba desmantelado. En xuño de 2019, segundo cifras oficiais, convenientemente maquilladas, case 700.000 persoas esperaban unha intervención cirúrxica, e 2.400.000 a primeira consulta co especialista. Mentres, os seguros privados (eses que desapareceron na pandemia) non pararon de medrar e facer caixa aproveitándose de nós.

Agora non queremos promesas de blindaxe na Constitución, nin comisións parlamentarias, nin libros brancos para «reconstruír a sanidade»… elaborados polos que nos levaron a esta situación. Este problema é de todos e todas. É o momento, e a responsabilidade é nosa. Temos a obrigación de saír á rúa. Non un día nin dous, senón todos os que sexan necesarios para obrigalos a blindar a sanidade, reverter o privatizado, expulsar o ánimo de lucro da atención sanitaria, establecer un sistema digno de coidado dos nosos maiores. Para centrar o sistema na prevención e na actuación contra os produtores de enfermidade… é dicir, para previr o que non sabemos curar. Para que os nosos cartos se dediquen a garantir o interese xeral.

CANDO O LUCRO ENTRA POLA PORTA, A SAÚDE SAE POLA XANELA. A PRIVATIZACIÓN MATA
1. DERROGACIÓN DA LEI 15/97 E DO ARTIGO 90 DA LEI XERAL DE SANIDADE. RESCATE DE TODO O PRIVATIZADO. POTENCIACIÓN DA ATENCIÓN PRIMARIA CENTRADA NA SAÚDE COLECTIVA. FÓRA AS EMPRESAS DA SANIDADE.

• A derrogación da Lei 15/97 e do artigo 90 da Lei Xeral de Sanidade impediría a xestión privada da sanidade e dos servizos socio-sanitarios públicos.
• Rescate de todo o privatizado. Incompatibilidade absoluta público-privado. Sancións aos centros privados que non utilizaron os seus recursos ou fecharon en plena pandemia.
• A supresión dos convenios permitiría dedicar ese diñeiro á reapertura das camas e servizos que foron fechados, o aumento de persoal e utilizar ao 100% os recursos públicos.
• Débese dedicar á Atención Primaria, como mínimo, o 25% do orzamento sanitario incluíndo atención integral á reprodución e á sexualidade, así como atención odontolóxica e xerontolóxica.
• Potenciación dun modelo centrado na saúde colectiva e non só na atención individual, dirixindo as tarefas a diminuír a medicalización.
• A atención primaria debe recuperar as actuacións contra os produtores de enfermidade, primando sempre o principio de precaución.

2. POR UNHA INDUSTRIA SANITARIA E FARMACÉUTICA PÚBLICA.

• A investigación, fabricación, distribución e dispensa de medicamentos deberán estar sometidas á planificación estratéxica do Sistema Nacional de Saúde.
• Creación dunha Industria Farmacéutica Pública que se ocupe da investigación, fabricación e distribución.
• Inicio dos estudos necesarios para desenvolver unha industria sanitaria para aqueles elementos esenciais dentro do SNS: material de protección (máscaras, EPIs, etc.), respiradores, test diagnósticos, etc. É posible fabricar ditos produtos a escala europea ou, polo menos, cos países máis próximos.

3. SANIDADE PARA TODOS E TODAS, INDEPENDENTEMENTE DA SITUACIÓN ADMINISTRATIVA.

• Hai que garantir o acceso á asistencia sanitaria e de saúde para todas as persoas, eliminando todas as barreiras administrativas que condicionan a obtención da Tarxeta Sanitaria.
• Esiximos que nos devolvan o dereito á saúde que nos foi roubado e se implante de xeito inmediato unha sanidade pública, universal, gratuíta no momento do uso, de
calidade para todos e todas, sen requisitos nin excepcións, incluídas as persoas migrantes en situación irregular.

4. COIDADOS DIGNOS PARA OS NOSOS MAIORES.

• Esiximos investigación e transparencia ante os posibles casos de neglixencia e maltrato nas residencias durante a pandemia da COVID-19.
• Hai que atender á dependencia con dignidade, adaptada e centrada nas necesidades das persoas.
• Queremos que as residencias sexan de titularidade e xestión 100% públicas, vinculadas ao SNS a través da Atención Primaria. Ningunha contraprestación a empresas co pretexto da crise. Nunca máis cartos públicos para o negocio privado!

5. POR UN SISTEMA SANITARIO CENTRADO NOS DETERMINANTES SOCIAIS DA SAÚDE E DA ENFERMIDADE.
• Queremos un Sistema de Saúde centrado nos determinantes sociais da saúde e a enfermidade, baseado na prevención que planifique a súa actividade de xeito coordinado con outros sectores sociais.
• É necesario establecer prioridades baseadas na redución das desigualdades sociais, na mellora do estado de saúde da poboación e na inversión en benestar social.
• Os aspectos relacionados coa saúde laboral deben pasar a ser competencia do Sistema de Saúde coa autoridade para intervir sobre as condicións de traballo.

POR UN SISTEMA PÚBLICO, UNIVERSAL E CON XESTIÓN DEMOCRÁTICA

COORDINADORA ANTIPRIVATIZACIÓN DA SANIDADE PÚBLICA
correo-e: coordantiprivatizacionsanidade@gmail.com

Este sitio web utiliza cookies. Debes aceptar o seu uso para seguir navegando por el + info

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close