fbpx

VII Ponme un Poema! – Roteiro poético gastronómico musical en Allariz

Compárteo!

4 Xullo, 2020 19:00 - 23:55

Allariz

Allariz, Ourense

Organizado Por

Fundación Vicente Risco

VII PONME UN POEMACon todo o sentidiño e con algúns cambios necesarios para garantir a seguridade de todxs, xa temos data!

Volve, por sétimo ano consecutivo, o Ponme un Poema!, un roteiro poético nada convencional que percorre 4 locais da vila e un concerto final, e volvemos contar con 2 artistas de luxo para as respectivas seccións deste evento:

Carlos Meixide será o encargado de amenizar, coa súa poesía ‘primordialmente performática’ -e chea de retranca e humor, engadimos nós- o roteiro polos 4 locais.

A gran cantante e compositora galega Sheila Patricia, coa súa potente e fermosa voz, será a encargada do concerto final que este ano celebraremos no xardín da Fundación Vicente Risco.

ROTEIRO – A partir das 19:00h.

ROTEIRO VII PONME UN POEMA MARIDAXESA Despensa do Alarico > Fio de Liño – Allariz > Vinoteca A Micalla > Bule Bule

ESTA ACTIVIDADE REALIZARASE FINALMENTE NA RÚA, FRONTE Á PORTA DOS LOCAIS, PARA PODERMOS MANTER A DISTANCIA DE SEGURIDADE.

Carlos Meixide


Carlos Meixide

Novelista prolífico e prosaico, de protuberante e proteica presenza, preténdese o probe tamén poeta, primordialmente performático, de prodixiosa memoria, humor presto e prácido luar.

Isto é o que o propio autor di de si mesmo, e non seremos nós, dende o Ponme un Poema!, quen lle restemos nin unha migalla de razón!

Carlos Meixide -agora en serio (?)- é un prolífico novelista, poeta, editor, xornalista, actor e humorista. Nesta última faceta foi moi coñecido como integrante do dúo humorístico-musical ‘Os da Ría’, xunto a Tomás Lijó.

 

CONCERTO – 22:00h.

CONCERTO SHEILA PATRICIA VII PONME UN POEMAXardín da Fundación Vicente Risco (entrada por Rúa Castelao, 10)

Sheila Patricia
Sheila Patricia

Sheila Patricia experimenta nos ultimo anos unha clara influencia do folk pero cunha fusión con sons electrónicos. Conserva a esencia do seu acústico inicial, pero non dubida en experimentar con estas novas texturas que a industria nos achega nestes case anos 20.

Actualmente está a gravar o seu próximo disco, “Mar e Terra”, producido por ela mesma e gravado nun estudio no corazón de Galiza.

Sheila Patricia ofrece un espectáculo no que, ademais da súa prodixiosa voz e a súa inseparable guitarra, xoga con bases e efectos electrónicos (loopers).

Movementos sonoros que apuntan ao jazz, sen perder a esencia da música galega.

O ROTEIRO POLOS 4 LOCAIS E AS SÚAS MARIDAXES:

1.- A DESPENSA DO ALARICO
A Despensa do Alarico Maridaxe

Tapa: Pan de Faragullas con Queixo do Cebreiro e marmelada de sabugueiro.

Bebida: Viño Triay (Mencía)

 

2.- FÍO DE LIÑO
Fío de Liño Maridaxe

Tapa: ‘Camiño de Paixóns’: Berenxena, queixo de cabra, marmelada de pementos e cebola acaramelada.

Bebida:
Viña Reboreda (Treixadura, Palomino, Torrontés, Godello) ou Caña Amstel Oro

 

3.- VINOTECA A MICALLA
A Micalla Maridaxe
Tapa:
Minitosta de sardiña afumada.

Bebida:
Muros Antigos (Loureiro)

 


4.- BULE BULE

Bule Bule Maridaxe
Tapa: Champiñón recheo de Pork Stuff e Queixo de Arzúa

Bebida: Pazo Mariñán (Mencía) ou Adeus (Treixadura, Torrontés, Godello)

 

 

INFORMACIÓN DE INTERESE E MEDIDAS DE SEGURIDADE E PREVENCIÓN COVID-19

* A actividade poética realizarase fronte á porta dos 4 locais. No caso de Fío de Liño, a maridaxe e/ou consumicións serviranse no local, pero a actividade poética terá lugar na praza da Rúa da Cruz.

* As maridaxes ofrecidas en cada local teñen un prezo de 3 €. Adquirirdes estas maridaxes e/ou consumir nos locais colaboradores é a mellor maneira de colaborar coa realización deste evento e apoiar os locais colaboradores.

* [ACTUALIZADO]: as maridaxes pagaranse este ano directamente nos locais, e non a través de tíckets, para evitar o máximo posible os contactos.

* A bebida que acompaña as maridaxes poderá ser trocada por unha alternativa sen alcol.

* Durante o concerto haberá servizo de barra de bar. Prégase comprensión e colaboración coas traballadoras deste servizo para axudar en todo o posible a manter as medidas de hixiene e seguridade necesarias neste momento.

* A organización, xunto cos locais, velará por manter todas as medidas de seguridade e hixiene posibles.

* Prégase encarecidamente ó público manter en todo momento a distancia de seguridade entre persoas non conviventes e o uso de máscara sempre que sexa posible, sobre todo no momento de mercar tíckets e consumicións.

GRAZAS!

Este sitio web utiliza cookies. Debes aceptar o seu uso para seguir navegando por el + info

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close