Allariz

Paxaros de prata. Expo fotográfica de Alexandre Folgoso

Por O que ho!

27 Xuño, 202112:00 - 14:00

CSA Cambalhota
Camiño Socastelo, 10 Allariz Exposición / Fotografía

Paxaros de prata

Esta exposición fotográfica amosa o universo poético de Alexandre Folgoso, no que o misterio e a maxia son protagonistas. Unha imaxe evocadora, igual ca un poema, é unha porta que dirixe a un lugar descoñecido, abrindo novos mundos de posibilidades infinitas.

As fotografías que conforman “Paxaros de prata” son pequenos haikus simbólicos que atopan no misticismo da noite e nas terras da Limia o seu pano de fondo. Sendo cada fotografía un paxaro de prata agardando a que a espectadora lle permita voar na súa imaxinación.

Biografía do autor

Alexandre Folgoso (Galiza, 1996), é un fotógrafo e filólogo especializado en estudos literarios. Na súa obra explora a relación entre fotografía e motivo poético, nutríndose da simboloxía e do substrato cultural galego na procura dun universo poético propio. Acredita na fotografía analóxica como medio de creación, considerando a fotografía química máis cercana á artesanía da imaxe.

En canto a súa traxectoria artística, a súa obra formou parte de varias exposicións individuais e colectivas sendo seleccionado no último de certame de “Novos Valores” convocado pola Deputación de Pontevedra. O seu traballo ten sido publicado en medios especializados tales como Caleidoscópica (Caderno de fotografía galega) ou Contrafotografía, e tamén en numerosas publicacións independentes.

No CSA Cambalhota de Allariz, ata o 27 de xuño, en horario:
sábados de 12h a 14h e de 19:30h a 21:30h
domingos de 12h a 14h